(ElNacional) – Nicolas Maduro a anuncia diamars cu el lo papia dilanti Asamblea General di ONU, cu lo tuma luga na New York.
Sinembargo, e schedule difundi pa ONU ta indica cu Maduro lo ofrece su palabranan pa medio di un mensahe graba, asina ta cu tur cos ta mustra cu e hefe di e chavismo lo no biaha pa New York.
E ultimo biaha cu Maduro tabata presente na un Asamblea General di ONU tabata na 2018, pero e barera internacional cu ta rond di dje y e instabilidad politico di su gestion a haci cu e ta sconde na su pais.
Su biahe mas recien tabata pa participa na e Celac na Mexico, un pais cu tin manera aliado Andres Manuela Lopes Obrador den e presidencia.
E biahe a genera hopi tension. Merca a recorda, apenas Maduro a yega Mexico, cu tin un recompensa di 15 miyon di dollar pa su captura, pues el a wordo acusa na 2020 di delitonan di corupcion y narcotrafico.
Durante e reunion Maduro a ricibi criticanan fuerte di e presidentenan di Uruguay, Luis Lacalle Pou, y Paraguay, Mario Abdo Benitez.
“Mi presencia na e cumbre aki, den ningun sentido ni circunstancia, ta representa e reconocimento na e gobierno di e Sr. Nicolas Maduro. No tin ningun cambio di posicion di mi gobierno y mi ta kere ta di corecto pa bis’e den su cara”, Benitez a expresa. Mientras cu Lacalle Pou a denuncia e falta di respet na e democracia di Cuba, Nicaragua y Venezuela.
E respuesta di Maduro tabata pa reta ambos na un “debate” ariba e democracia na America Latino.
