Presidente ‘de facto’ Nicolas Maduro a anuncia diamars pasa e creacion di un comando secreto di operacion cu lo cumpli labor di inteligencia y contrainteligencia, destina na neutralisa supuesto accionnan encubierto planea pa Estadonan Uni, segun Maduro, pagenera destabilizacion na Venezuela. Maduro a señala cu gobierno di Trump a pone DEA como organismo operador pa atacaVenezuela, ademas di aproba cu CIA ta involucraden operacion encubierto di caracter terorista contra su pais.
“Ta importante tuma accion tempran. Nos a activa e puesto di comando di operacion special, secreto, un puesto di comando di operacion, cu tur capacidad di accion den cualkier lugar di e pais, den tempo real, 24 ora,” Maduro a indica durante un videoconferencia transmiti pa e canal oficial VTV.
Tambe Maduro a referi na e captura di un presunto agente Mericano, identifica como Matthew John Heath, bao acusacion di terorismo y di planea sabotahe contra instalacion petrolero, electrico y electoral.Na luna di augustus a aresta y procesa e Mericanonan Luke Alexander Denman y Airan Berry pa nan participacion den e asina yama Operacion Gedeon, cu a fracasa ora e lanchanan a purba yega costa di Venezuela. A condena ambos na 20 aña di prison.
Maduro a bisa tambe cu ta activando tur mecanismo di inteligencia pa “defendeVenezuela” caminda pa eleccion parlamentario di 6 di december. E gobernante a convoca e integrantenan di Milicia Bolivariano pa nan ta den maximo alerta pa posible conspiracion, un yamado cu el a extende na henter militancia Chavista.
Diosdado Cabello, presidente di asamblea nacional constituyente ilegitimo y promer vice-presidente di Partido Socialista Uni di Venezuela, a pidi pa informainmediatamente “cualkier movimento raro, diyegada di persona cu no ta di e comunidad, cu no tin acento Venezolano”.
