E hefe di Comando Sur di Estadonan Uni, almirante Craig Faller, a subraya diahuebs pasa cu Venezuela ta conta cu 2.000 general, “mas cu henter NATO combina,” y ta esunnan cu ta forma e “e centro di gravedad” di e gobierno di Nicolas Maduro. Esaki Faller a declara dilanti Comision di Servicio Arma di Senado.
“Y e mayoria,” e almirante a subraya, “ta na sueldo di Maduro” pa cual na ta forma “su centro di gravedad.”
Den e sentido aki, Faller a indica cu “gran parti di nan” ta implica den rednan di clientelismo, incluyendo trafico di droga y e entradanan di petroleo, cu cual, segun el a agrega, Maduro ta “cumpra nan lealtad.”
Banda di e militarnan di rango halto, e almirante a señala, tin e trupanan cu ta pasa hamber “mescos cu e resto di e poblacion Venezolano.”
En cuanto e posibilidadnan cu e situacion na e pais Sur Americano ta bira mas grave, Faller a insisti cu e forsanan arma Mericano “ta prepara pa protege personal y instalacionnan diplomatico na Venezuela.”
