Venezuela: Maduro a cualifica manera infame e decreto di Merca cu ta considera Venezuela un menasa pa seguridad nacional.

(ElNacional) – Nicolas Maduro a cualifica diabierna ultimo manera infame e extension di parti di Merca di e decreto den cual nan ta cualifica Venezuela como un menasa inusual y extraordinaria pa seguridad nacional.

Segun Maduro, e declaracion Mericano ta infame, si e pais ta sali pa dilanti a pesar di e sancionnan y e blokeo, e mandatario a expresa den su declaracionnan haci na prensa.

“Esey tabata un decreto infame, ocho aña di sancionnan criminal, di agresionnan y cu e clase obrero uni, Venezuela ta saliendo pa dilanti, venciendo e sancionnan y e blokeo. Tambe, enfrentando y derotando e imperialismo, hunto cu tur su decretonan,” el a agrega.

Anteriormente e ehecutivo a difundi un nota breve den cual e tabata condena e afirmacion infunda realisa pa Washington, recalcando cu e ta mas ainda ora cu e ta evidente cu Venezuela tabata e pais cu mester a enfrenta un sin fin di menasanan, chantahe, agresionnan y atakenan.