(ElNacional) – Nicolas Maduro a critica dialuna cu Merca ta desconoce e legitimidad di e Parlamento, controla pa e oficialismo, y a cambio, ta reconoce e legislativo elegi na 2015 cu mayoria opositor, cu ex dopitadonan anti chavista, ta mantene.
Den un acto cu e hunta directiva di e Parlamento, lidera pa Jorge Rodriguez, Maduro a critica e declaracionnan emiti pa e subsecretario di Estado di Merca pa Asuntonan di Hemisferio Occidental, Brian Nichols, ariba Twitter, unda e ta bisa cu e atakenan nobo contra e oposicion, incluso contra miembronan di e Legislativo di 2015, ta impedi solucionnan democratico pa Venezuela.
Asina mes e funcionario Mericano a afirma cu su pais ta apoya esnan cu ta defende valientemente e democracia Venezolano, den referencia pa e grupo aki di opositor y a señala cu e esfuersonan mester concentra den un caminda pa eleccionnan liber y husto na 2024, cu ta e aña cu ta premira cu e eleccion presidencial lo tuma luga.
Como respuesta, Maduro a expresa: “Si Brian Nichols kier sa ken ta e Poder Legislativo cu ta legisla y ta aproba leynan cu ta wordo cumpli na Venezuela y cu tur e 32 miyon ciudadano ta cumpli, el lo mester bay e Palacio Federal Legislativo, sede di e poder parlamentario Venezolano y dialoga cu e hunta directiva aki.”
Maduro tabata compaña tambe di e prome vice presidente di e Legislativo, Pedro Infante, y di e segundo vice presidente, America Perez, cu hunto cu Rodriguez, a notifica na Maduro e inicio di e periodo parlamentario 2023-2024.
