E nivel di inflacion mensual, segun anuncia pa Asamblea Nacional (AN),a yega na 53,7% na luna di februari ultimo. Mientras tanto, e inflacion acumula pa fin di februari, desde december 2018 ta di 348,2%. Tambe Asamblea a detaya cu e tasa anualisa te fin di februari, compara cu februari 2018, ta 2.295.981,8%.
Jose Guerra, diputado di AN, a indica cu hiperinflacion ta continua a pesar di cu e ritmo a mengua.
Guerra, miembro tambe di e comision di financia di parlamento Venezolano a adverti encuato e cifra abulta di cifra di inflacion anualisa, di februari 2018 pa februari 2019, di 2.295.981,2%, un di e cifranan di inflacion mas halto mas halto di ultimo tempo.
Venezuela ta enfrentando un crisis economico, marca pa escasez di producto di prome necesidad, hunto cu un inflacion cu ta “devora” salario, segun oposicion.
E comision di Financia di parlamento a determina cu inflacion diario na Venezuela na luna di januari tabata na 3,5%, motibo pa cual e aumento di nivel di prijs en general a yega na 191,6% na fin di e luna ey.
