(LaPatilla) – E 12 hospitalnan publico mas grandi di Caracas no tin servicio di awa potable permanente pa por atende nan pacientnan debidamente. Den esunnan di referencia nacional, nan tin apenas algun ora di servicio. No ta importa e urgencia di e caso ni di Covid-19 persistente ainda, ni e cantidad di persona cu ta busca asistencia medico.
E falta di awa potable durante parti di e 24 ora di dia ta converti den un emergencia inminente. Y pa e personal di salud y pacientnan di cada hospital, esaki a bira evidente: ainda cu posnan nobo y tanki yen na e pisonan, no ta resolve e problema di riesgo di contaminacion. Mientras algun centro di salud a limita acceso na e area di Emergencia pa falta di suministro, ademas falta di material y medicamento, otro a suspende parcial o totalmente varios servicio, manera esun di dialisis.
Mientras cu e atencion asistencial ta mermando cada vez mas pa falta di awa, e problema ta cu e cantidad di pacient ta sigui crece, segun un enfermera di Hospital Domingo Perez Carreño, ubica na noroeste di e capital, na cual ta acudi e demanda di atencion di varios specialidad, cu ta procedente di otro hospital den estado mas precario ainda. Un di nan ta e Hospital Universitario di Caracas.
Na Caracas, e ausencia di servicio di awa permanente ta afecta particularmente hende muher y mucha. Na Maternidad Concepcion Palacios, unda tin un centro di atencion nutricional cu ta atende muher na estado, mucha y adolescente cu riesgo di desnutricion, e ta un referencia special.
Durante e negociacion na Mexico entre gobierno di Maduro y Plataforma Unitaria di oposicion, lo delibera tambe encuanto uso di como 3 mil miyon dollar di inversion, cu por encera resolve sikiera parcialmente e suministro critico di awa potable na varios parti di e pais.
