(LaPatilla) – Pre-candidato Henrique Capriles Radonski a anuncia diadomingo anochi cu el a retira su candidatura pa eleccion primaria cu ta bay tuma luga dia 22 di october na fabor di un “unidad berdadero”.
“E ta un realidad cu aki nos mester facilita un opcion cu por. E ta un realidad cu mester facilita y materialisa e obhetivo. Mi lo sigui busca husticia,” Capriles a comenta durante un transmision en bibo riba su rednan social.
“Mi ta kere ta obvio cu nos mester yuda pa facilita e construccion di e unidad, y e ta obvio cu nos no por sigui laga e tempo pasa,” el a enfatisa. “P’esey mi ta pone mi candidatura den e eleccion primaria na orden di e basenan di e partido cu a scoge mi,” Capriles a anuncia.
Segun e criteria di e dirigente di Primero Justicia, “Mi ta bay como militante, pa construi den e cambio di 2024, pa construi e unidad, pasobra e Venezuela cu ta bin no por ta pa mantene e conflicto.”
Capriles a sigura cu e lo manda un carta pa e Comisiom Nacional de Primaria, cual el a gradici pa su trabao.
Di mesun manera, el a manda un mensahe na e militancia y base di Primero Justica: “Compañeronan, for di gratitud, mi ta pone den boso man e construccion di un opcion viabel pa 2024. Tur mi experiencia, mi conocemento, nos ta pone na orden di e unidad.”
