(LaPatilla) – Hefe di e Mision di Observacion Electoral di Union Europeo hunto cu un comision, a yega diahuebs na ciudad di Caracas pa participa manera observador internacional den e eleccionnan di dia 21 di november.
Isabel Santos den un rueda di prensa a destaca cu ta bay desplega na e pais 44 observador, igualmente, el a agrega cu nan ta wardando otronan, cu lo yega e pais dentro di e proximo dianan.
Santos a agrega cu nan a reuni cu e CNE, ken a duna nan e ricibimento y cu nan mision ta “observa full e proceso electoral for di e campaña te cu e dia di e eleccion mes”.
Di mesun manera el a destaca “nos ta spera cu esaki ta un gran mision di observacion electoral y cu nos por reuni cu tur e factornan cu nos por”.
E mision, ademas, tin for di dia 14 di october 11 “experto electoral” na Caracas y ta spera di reuni mas di 100 observador pa e dia di e eleccionnan. Asina mes su agenda ta inclui un bishita na e ciudad di Maracaibo.
Ademas el a indica cu el lo publica un “declaracion preliminar” den un “conferencia di prensa” dia 23 di november na Caracas, dos dia despues cu e eleccionnan tuma liga, y “lo permanece na e pais te cu e finalisacion di e proceso electoral”.
