A reconoce Venezuela na 2014 pa su exitoso lucha contra hamber, pero awendia e ehemplo mas grave di retroceso material na America Latino. E director di organisacion di Nacionnan Uni pa Alimentacion y Agricultura (FAO), Jose Graziano da Silva, den entrevista cu e medio Deutsche Welle a toca e tema aki y su causanan.
Agronomo, profesor y escritor, e Brasileño Graziano da Silva ta bandona direccion di e organisacion di FAO dia 31 di juli, despues de shete aña den e puesto.
Di acuerdo cu ultimo informe di FAO, America Latina a presenta e retroceso mas grandi den e lucha contra hamber na nivel mundial. Venezuela ta e miho ehemplo di e retroceso ey. E ta un pais cu semper a depende di importacion di alimento, pero na comienso di decada di 2000, Venezuela a haci avance grandi den reduccion di hamber. Venezuela a drenta e lista di pais cu tabata cumpli cu e obhetivonan di desaroyo pa e milenio di reduci hamber te mita, nos a duna un reconocimento na e pais pa e trabao realisa. Na aña 2000, 16,3 miyon persona tabata pasa hamber na Venezuela. Na 2010, e cifra ey a bira apenas 3,1 miyon. E nivel di hamber a disminui cinco biaha den 10 aña. Tabata un cambio fuertisimo, similar na loke Brasil a registra den reduccion di hamber.
Tabatin critica pa e premio, ya cu Nicolas Maduro a ricibi e premio na 2014, tempo cu e crisis socioeconomico y politico ya tabata presente na e pais. Y pakico a otorga e premio na e momento ey? A entrega e premio pasobra a reduci hamber te na mita di loke e tabata, y no pa e coyuntura den cual e pais tabata pasando. E momento ey ningun hende por a predeci loke lo a bay pasa den e pais. Di 3,6 miyon hende cu hamber nan a bay na actualmente 21,2 miyon hende pasando hamber.
