Den un entrevista cu e corant di Florida, Estadonan Uni, El Nuevo Herald, presidente interino Juan Guaido a bisa cu e esfuersonan di gobierno di Trump pa corta e suministro di crudo Venezolano na Cuba ta funcionando, resultando den un red di spion mas debilita cu Cuba tin na Venezuela.
Guaidó den e entrevista ademas a papia di e proximo pasonan pa tuma den e lucha pa libera Venezuela di e dictadura di Maduro, señalando cu e y su partidarionan lo keda pone presion for di riba caya.
Tambe ta continua trabao cu paisnan amigo pa aumenta presion diplomatico y e efectonan riba e regimen cu e sancionnan internacional ta generando, en particular esunnan di Merca, cu segun Guaido ta impactando e capacidad di Habana di sigui spiona na Venezuela.
“E red di inteligencia a keda reduci di cierto modo cortando suministro di petroleo na Cuba, cu e sancionnan. E respaldo di nos aliadonan ta laga e rednan ey sin financiamento,” Guaido a declara, cu a añadi cu e rednan ey ta mas debil cu un aña atras.
E entrevista a tuma lugar den un oficina sin mueble, den parti oriental di Caracas, na un luga cu asesornan di Guaido a pidi pa no divulga. Guaido a brinda su declaracion memey di frecuente interupcion di actornan internacional importante, incluyendo e vice-presidente Mericano Miek Pence, cu a yama riba telefon.
E efecto di e sancionnan por mira, por ehemplo, den e red di monitoreo social cu Cuba ta mantene a traves di e programa Barrio Adentro, unda e facilidadnan di atencion medico tabata recauda dato di e personanan den e comunidad unda nan tabata opera, segun Guaido.
Gobierno Mericano riba peticion di Guaido a cuminsa un serie di sancion contra companianan maritimo cu ta involucra den transporte di crudo di Venezuela pa Cuba.
