Venezuela: Guaido ta contesta Maduro su menasa: “Abo ta esun cu ta señala na CPI y ni durf di sali riba caya”

(ElNacional) – Esun reconoci pa mas di un centenar di pais como president encarga di Venezuela, Juan Guaido, a contesta diadomingo na e menasanan di Nicolas Maduro, ken den un entrevista via VTV, a bisa cu e ta soña di mira e politico Venezolano.

“Y ami ta soña pa Venezuela ta liber y democratico. Nos lo mira e dia ey. P’esey nos ta riba caya luchando y buscando un acuerdo na Mexico. Corda cu abo ta esun cu ta señala na CPI y tin 15 miyon den recompensa. No durf ni di sali riba caya pa scucha e hendenan”, Guaido a contesta a traves di un mensahe riba e red social Twitter, na e advertencia di Maduro, cu mas trempan a señala: “no lo tin impunidad na Mexico. Mi ta soña cu e dia cu Juan Guaido lo paga.”

Den e entrevista cu Ernesto Villegas, Maduro a expresa cu Guaido “a haci hopi daño na e famianan Venezolano y pa esey e lo paga.”

“Ta bay tin husticia severo, pa tur e daño cu a haci na e famianan Venezolano. Mi ta soña cu e dia cu ta bay tin husticia, cu tur e delincuentenan aki ta bay paga pa loke nan a haci Venezuela”, Maduro a bisa.

Na mes momento el a referi na e dialogo den desaroyo na Mexico entre e representantenan di su delegacion y esunnan di e Plataforma Unitario di Venezuela. El a sigura cu e oposicion, lidera pa Juan Guaido, ta derota door di nan discusionnan interno.

“E nuebe miembronan di e oposicion cu ta na e mesa di dialogo na Mexico tin hopi problema entre nan mes. Pero nos lo tin pasenshi door di e pueblo Venezolano”, el a bisa.