(ElNacional) – Juan Guaido a celebra e fayo di Corte Supremo di Reino Uni cu ta determina cu, for di 4 di februari 2019, ta reconoce Guaido como presidente interino di Venezuela, te ora cu celebra eleccionnan presidencial creibel na e pais.
“Nos ta gradici e declaracionnan di Ministerio di Relacion Exterior di Reino Uni ariba e reconocemento y apoyo di su pais na pueblo Venezolano”, Guaido a expresa den un comunicado publica ariba website di Centro di Comunicacion Nacional.
El a sigura cu su presidencia interino lo continua dedica na eherce e deber constitucional di proteha e activonan di e Republica y promove eleccionnan presidencial liber y husto na Venezuela, na su huicio cu e proposito pa “pone fin na e sufrimento di pueblo Venezolano y rescata nos democracia”.
El a afirma ademas cu e ta reconoce y respeta e Estado di derecho cu ta prevalece na Reino Uni y den e proceso pa control di e reservanan di Banco Central di Venezuela (BCV) na e pais menciona.
“Nos lo asumi cu dedicacion e siguiente fase di e huicio pa mustra e ilegalidad di e decisionnan tuma pa e TSJ di Nicolas Maduro contra e hunta Ad-Hoc di e BCV y logra su desconocimento di parti di e cortenan di Reino Uni”, el a agrega.
Finalmente, Guaido a bisa cu unabes cu logra control di e oro, e BCV legitimo lo asumi a proteccion di e reservanan dilanti gobierno di Maduro.
31 ton di oro Venezolano ta deposita na e Banco di Inglatera, locual ta den disputa entre e gobierno di Maduro y e representantenan di oposicion di Guaido.
