Gobierno interino di Juan Guaido a cuminsa mustra señalnan di desacuerdo, cu a culmina cu e retiro di nan embahador cerca gobierno di Colombia, Humberto Calderon Berti. Esaki ta otro problema pa diplomacia di Guaido, despues cu na october no tabata posible evita entrada di gobierno di Nicolas Maduro den Conseho di Derecho humano di Nacionnan Uni. Ta menciona diputado Tomas Guanipa como sucesor di Calderon.
Algun di e problemanan cu diplomacia di Guaido ta enfrenta ta entre otro cu no tin un politica oficial. Di un banda e representantenan diplomatico ta trata di avansa y empodera na mes como ehecutor di e politica exterior, y di otro banda tin e realidad di ultimo tempo cu ta e diputadonan den exilio, specialmente esnan di Primero Justicia y Voluntad Popular, cu ta delinea y dicidi loke kier y loke ta busca.
Varios embahador ta confirma e informacion pa diferente via. Na ta pidi anonimato y ta sprea, esey si, cu e presidente interino lo rectifica.
“E diputadonan den exterior no tin oficio y anto mester sacrifica hende bon y pone nan den puesto di decision,” un di e diplomaticonan a señala.
“Loke ta sucede ta cu nan ta maneha diplomacia manera politica interno, tur ta busca nan beneficio, nan no sa nada di e cos ey,” otro a manifesta.
Ta relaciona salida di Calderon Berti cu e investigacion cu el a entama encuanto robo y malversacion di e ayudo cu a yega Colombia, unda tabatin hende di oposicion envolvi.
Otro medionan ta specula riba posible lazo cu Calderon lo tabatin cu cierto personahenan di e regimen Chavista.
