E dirigente sindical Ivan Freites di e sindicato di empleado di industria petrolero,a manifesta cu gobierno Venezolano ta usando “escasez di diesel” como strategia politico nengando su existencia na e pais mientras cu realmente ta produciendo esaki na e pais, pero ta bende den exterior.
Freites a sigura cu e instabilidad den produccion di crudo y diesel dentro di Centro di Refinacion Paraguanata critico, pero a yega na cubri e demanda den ultimo operacion.
Freites a señalacu ta treciendo crudo di e Faha di Orinoco y cu e refineria Cardon ta e unico cu ta produciendo gasolin actualmente y ta genera diesel di tur tipo dependiendo di e calidad di e crudo.
“Diesel ta un producto cu ta bin inmediatamente ora e crudo drenta e toren di produccion y su calidad lo depende di e crudo cu cual nos ta traha.”
Durante un entrevista den e programa “Portales” haci pa e equipo di Petroguia, na Fedecamaras Radio, e sindicalista a indicacue produccion di diesel ta bao di 65.000 bari (pa dia), loke ta e produccion den e operacion actual.
“Nos ta cubriendo e demanda basico di diesel; loke ta pasa cu nan ta usando esey como strategia politico, nan ta bisa cu no tin pero esey ta pasobra nos ta produciendo esey pa otro pais.” Segun e sindicalista, gobierno kier sigui comercializa diesel y dunando di comprende cu no tin na e pais. “Ademas di e pagonan na Cuba, nan ta usando e diesel como contrabanda, cu no tin un prijs real na e pais, e prijs pa liter ta di 0,0000001bolivar.”
Tambe Freites a destacacu nan ta exportando e diesel produci na Venezuela pasobra aki ta gana divisa. “Ta mas di 10 miyon dollar diario, ta ey e diesel ta bay, e ta un negoshi pa nan.”
