(ElNacional) – E gobierno a notifica na e Sala di Apelacion di e Corte Penal Internacional (CPI) cu lo apela e decision di e tribunal di reanuda e investigacion di e pais pa presunto crimennan di lesa humanidad, anuncia dia 27 di juni ultimo, e ehecutivo di e nacion a informa diamars.
“Den e proximo simannan y conforme cu e procedemento estableci, Venezuela lo registra e elementonan cu ta respalda su apelacion,” e gobierno a sigura a traves di un comunicado.
Den e documento, Venezuela a señala cu nan lo presenta e elementonan denunciando cada un di e acusacionnan falso di e decision di e Sala de Cuestiones Preliminar, cu nan ta considera claramente contrario na e berdad y husticia.
Ademas, e gobierno di Nicolas Maduro ta bay sigui pa dilanti cu tur e accionnan disponible den e derecho internacional pa defende e berdad y sigura nan derechonan manera nacion contra e ofensa aki cu abiertamente ta usa e institucionalidad di e CPI pa metanan politico.
Na november di 2022, e fiscal di CPI, Karim Khan, a solicita na e Sala de Cuestiones Preliminar di e CPI autorisacion pa continua cu e investigacion ariba presunto crimennan di lesa humanidad na Venezuela, habri na 2021, despues cu el a keda suspendi riba solicitud di Caracas.
E autorisacion a ser concedi ora cu a considera cu e procesonan penal interno di Caracas no ta refleha suficientemente e alcance di e caso y tin periodonan di inactividad inexplicabel.
E Sala de Cuestiones Preliminar di e halto tribunal a señala cu e enfoke di e investigacionnan interno ta parce di ta den generalmente perpetradornan directo y/of di menor nivel y a considera cu nan a tuma medidanan di investigacion limita y cu, den hopi caso, ta parce di tin periodonan di inactividad investigativo inexplicabel.
Despues di conoce e decision, e gobierno di Venezuela a manifesta su desacuerdo y a adverti cu lo apela dilanti e Sala di Apelacion di e tribunal.
