Den un strategia cu hopi Venezolano ta considera straño, Fuerza Armada Nacional Bolivariana (FANB) a desplega un operacion, yama Jiwi 2021, contra e campamentonan di e disidencia di Fuerzas Armadas Revolucionarias de Colombia (FARC); en realidad ta asina, y ta responde na control di e teritorio. Ainda no ta conoci si ta despehando nan pa asina por expande e Ejercito de Liberacion Nacional (ELN), of e Ruso y Iraninan.

Dia 30 di januari ultimo tabatin un operativo cu militarnan asigna na e P/C di e Zona Operativo di Defensa Integral (ZODI 31) di Apure y di e 92 Brigada di Caribes, al mando di e G/D. Leonardo Bello Ortega, hefe di e ZODI, como tambe e segundo comandante G/B. Cherson Chacon Paz; e G/B. Carlos Jose Rojas Abreu, comandante di e 92 BriCar y funcionarionan di e direccion di homicidio di e Cuerpo di Investigacion Cientifico Penal y Criminalistico (CICPC).

Esey tabata pa haci e reconstruccion di e sucesonan di dia 29 di januari ultimo, ora cu den un enfrentamento a mata un iregular, di ken e Forsanan Arma no a duna ningun informacion, pero ken lo ta un guerrillero di FARC di e parti cu Miguel Botache Santillana, alias Gentil Duarte, tin na Venezuela, alabes enfrentando Ivan Marquez y Jesus Santrich. Den un reporte militar, FANB ta splica cu e dia ey tabata realisando un patruyahe di reconocemento y scrutinio den sector La Macanilla, alrededor di 7km awa abao di Riu Orinoco. “Na e rivera man drechi di e riu Capanaparo”, na momento cu a bira victima di emboscada y a origina enfrentamento arma cu loke ta yama Grupo Structura di Delincuencia Organisa (GEDO), pa no señala expresamente cu ta trata di guerrillero.

E caso ta cu den e hecho, ‘a resulta herida na su man links e My. Angel Luis Ruiz Grau, comandante di patruya, asigna na e Seccion di Inteligencia di e 92BriCar’. Posteriormente a traslad’e na hospital San Fernando de Apure, y a continua e operacion militar ‘en buskeda di e integrantenan di e GEDO cu ta opera den e sector aki’.

Un kilometer for di unda e enfrentamento a tuma luga, a haya ‘e prome pista di aterisahe clandestino di aproximadamente 900m largo y na e cabes di esaki, solamente 200m leu, tabatin e segundo pista di 700m largo’. Scondi entre e matanan a haya e avioneta marca Cesna di color blanco, cu dos bidon di gasolin pa avion (nafta). E avioneta tabatin impacto di bala supuestamente propina pa integrantenan di e GEDO na momento di huy, pa evita cu lo cende y sak’e for di e area. Despues di esaki, Rojas Abreu a manda refuerso pa sostene e accionnan di contencion di e GEDO den anochi.

Ademas, dia 5 di februari ultimo, algun dia despues di e suceso na Apure, tin un enfrentamento nobo, e biaha aki na Amazonas, ente e 52 Brigada di Infanteria di Selva y e FARC. Esaki a tuma luga den e Eje carretero Norte, Puerto Ayacucho y tambe den marco di operacion Jiwi 2021.

Den e caso aki, nan a enfrenta ‘elementonan di e Guerrilla di FARC’, segun e reporte di e brigada.

Den e enfrentamento a resulta cuatro morto cu lo tabata guerrillero, pero di ken ta desconoce nomber of cualkier identificacion. Den e hecho aki, cu a tuma luga den sector el Cuero, Agua Linda, Eje Carretero Norte, di ciudad Puerto Ayacucho, estado Amazonas, un soldad a bandona su arma AFAG. Te awo no tin informacion oficial di ningun di e generalnan, comandantenan di componente, ni di Alto Mando Militar.

Dialuna dia 8 di januari, varios habitante di Puerto Ayacucho a reporta cu aeronave tabata bula riba nan teritorio, y a scucha explosion of bombardeo di e luga unda e enfrentamento a sucede.

Autoridadnan a tene e careteranan di acceso na e zona cera.