Den un informe elabora pa un ekipo multidisciplinario di ingeniero, y entrega na Comision di Servicio di Asamblea Nacional pa debati y inclui den e Plan Pais, ta calcula cu e deficit di personal specialisa pa atende actividad di operacion y mantencion di rednan electrico di e pais ta di 50%, segun diario El Universal.
E documento, coordina pa Beatriz Montero, miembro di e Colegio di Ingeniero di Venezuela (CIV) y di e Asociacion Venezolano di Ingeniero Electrico, Mecanico y Profesion Similar (Aviem), ta detaya e multiple factornan cu ta atenta contra bon funcionamento di e sistema electrico.
E investigacion ta recorda cu “pa 1998, e pais tabata totalmente conecta, cu un capacidad di generacion di 14.000 Megawatt (MW) suficiente pa cubri un demanda maximo nacional di alrededor di 11.000 MW.
E impulso aki pa electrifica henter e teritorio nacional, a produci un mehoracion di e standard di bida pa e Venezolanonan y a permiti pa e pais join e nacionnan den via di desaroyo cu notabel progreso den area manera educacion, comercio, industria, agroindustria, tecnologia, telecomunicacion.
E specialistanan participante di e estudio ta argumenta cu “desde mas di dies aña pasa no por uza coriente den aproximadamente 30 % di e hogarnan, kier men pa 9 miyon di habitante, debi na e blackoutnan regular,” cu algun excepcion na Caracas.
E deficit di personal calcula na 50% pa atende e actividadnan di operacion y mantencion di e rednan ta afectando e duracion di e interupcionnan y e capacidad di respuesta. Tin un falta di personal na tur nivel, di ayudante te na ingeniero y personal administrativo. E falta aki ta debi tanto na e exodo masal di personal, tanto pa e salarionan como pa falta di incentivo.
E informe ta enfatisa cu e sistema ta cubriendo apenas 8.565 MW di un demanda di aproximadamente 13.000 MW.
