Ex Gobernador di estado Aragua y actualmente Vice-Ministro di Economia di e regimen, Tareck El Aissami, ta figura entre e fugitivonan mas busca pa Merca, pa e delito di narcotrafico internacional, despues cu Servicio di Inmigracion y Aduana di Merca (ICE), a publica un flyer cu e informacion detaya.
ICE ta indica cu “na februari 2917, OFAC (Oficina di Control di Activo Stranhero (OFAC) di Departamento di Tesoro di Merca a designa El Aisami, ciudadano Venezolano, como traficante di narcotico specialmente designa (SDNT) di conformidad cu e Ley Kingpin, pa ta desempeña un papel importante den trafico di narcotico internacional.
El Aissami tabata tambe Vice-Presidente Ehecutivo di Venezuela na januari 2017. Tambe e tabata Ministro di Interior y Husticia for di 2008. E tabata facilita e cargamentonan di narcotico for di Venezuela, incluyendo control riba avion cu tabata sali di un base aereo Venezolano y di ruta di droga via e hafnan na Venezuela. Na su puestonan anterior, e tabata supervisa o posee parcialmente cargamento di narcotico di mas di 1.000 kilo, for di Venezuela na mutiple ocasion.
ICE, despues di cataloga El Aissami como un di e personanan mas busca pa Merca, a inclui e Venezolano Samark Lopez den nan buskeda pa e mesun delito di narcotrafico internacional. Samark Jose Lopez, ciudadano Venezolano di 45 aña, persigui despues di e caida di un operacion compleho di evadi sancion internacional y di labamento di placa, a keda designa na 2017, hunto cu El Aissami, pa OFAC como narcotraficante internacional, brindando apoyo material y financiero na e actividadnan di El Aissami.
