Gobierno di Estadonan Uni a sigui diasabra pasa di cerca e situacion na Venezuela, cu multiple yamado na rednan social na e militarnan pa nan laga e ayudo humanitario pasa, y atake contra e forsanan di seguridad dirigi pa Nicolas Maduro.
“Matonnan enmascara, civilnan asesina cu municion berdadero, y pega truck cu cuminda y medicamento na candela cu tabatin mester urgentemente. Esaki tabata e respuesta di Nicolas Maduro na e esfuersonan pacifico pa yuda e Venezolanonan,” John Bolton, asesor di seguridad nacional di Cas Blanco riba su cuenta di Twitter, unda el a publica varios comentario riba e situacion.
“E paisnan cu ainda ta reconoce Maduro mester tuma nota di loke na ta apoyando,” Bolton a afirma, ken a anuncia tambe di a cancela un biahe pa Sur Corea, pa concentra riba e sucesonan na Venezula. “Mundo ta observando y e perpetradornan [di e violencia] lo mester enfrenta husticia,” el a agrega.
Cas Blanco tambe a menasa cu deportacion di e familiarnan di e militarnan Venezolano cu ta na Merca.
