Economia di Venezuela a mustra un reduccion di 50,44% den tercer trimester di e añaaki, compara cu e mesun periodo di 2019, di acuerdo cu e medicion cu Asamblea Nacional, den man di oposicion, a haci.
E contraccion den e periodo menciona ta consecuencia di menos actividad den sector petrolero y e reduccion di operacion den area di manufactura y comercio, pa e collapse den servicio di luz, internet y gas, ademas di e efecto di e pandemia di Covid-19, segun e parlamento.
“Venezuela ta enfrenta e shock di pandemia mey mey di un collapse, pesey e caida di economia ta mas profundo,” diputado Angel Alvarado a bisa periodista durante presentacion di e resultadonan.
E pais ta acumula caba seis aña di recesion economico , loke a resulta den un contraccion total entre 2013 y 2020 di actividad economico di 92,4%. Loke tabatin efecto grandi den deterioro economico tabata e modelo (socialista) di control cu presidente Chavez a inicia y cu su sucesor Nicolas Maduro a continua. Un flexibilisacion di regulacion cu a cuminza na fin di 2018 pa duna comercio y idustria mas rosea, a yega laat, segun parlamentario y economistanan.
“Estrategia di Maduro ta un recuperacion lento pa tin un economia chikito y mantene e poblacion empobreci,” e legislador a añadi. “Economia awe ta 10% di loke e tabata algu n aña pasa.”
Hunto cu e collapse di sectornan clave di economia, Venezuela ta siguiden hiperinflacion, lokee ta destrui entrada di e Venezolano.Na october inflacion tabatin un aumento menor cu e luna anterior y a keda na 23,8% segun e calculacionnan di Asamblea Nacional, cu tambe a calcula e inflacion internual na 3.332%.
Asamblea ta laga calcula resultado di economia desde 2018, tratando di compensa e falta di publicacion di cifra di parti di Banco Central, cu desde casi dos aña no ta divulga cifra.
