Desde 2018 a inicia e proceso di liber circulacion di biyete den moneda stranheroden economia Venezolano. Esaki como respuesta di e mercado local riba hiperinflacion y perdida di valor di e bolivar. Analistananta señala cu e proceso aki lo escala y lo yega na e institucionnan financiero.
E banconan nae pais ta preparando pa esey y ta wardando cu autoridadnan ta permiti e pago cu divisa den e sistema financiero, loke lo ta un paso mas den e dolarisacion de facto den cual economia Venezolano ta bibando caba, cu e persistente hiperinflacion y e caida den poder di compra. Tin mas di dos luna caba cu e banconan ta warda pa Banco Central di Venezuela (BCV) convoca e reunion pa evalua e tema, cu ta den aire awor.
Un fuente na un di e banconan a bisa El Diario cu awendia e captacion di fondo na e banconan ta pa mas di 50% den divisa. Calcula na valor oficial di bolivar di 31 di juli ultimo, e depositonan ta equivalente na mas di 700 miyon dollar. El a bisa tambe cu e cantidad di moneda stranhero riba caya tambe ta supera e cantidad di biyete di bolivar.
“Pa BCV, e Servicio Nacional Integra di Administracion Aduanero y Tributario (Seniat) y e propio regimen, en general ta conveni pa permiti pago den divisa, pasobra esaki lo aumenta entrada na divisa pa goberno. Seniat lo cobra na divisa y pa gobierno esey lo significa un tremendo bom di oxigeno pa mantene nan mes den poder,” segun e fuente.
“Dolarisacion ta e respuesta natural di hende cu ta busca activo pa refugia aden ora e moneda legal ta perde valor,” Giorgio Cunto, economista di Ecoanalitica y profesor universitario di Estadistica, ta bisa. E ta añadicu “e bolivar ta un moneda di segundo categoria cu hende ta usa pa completa evuelto cu no por duna na divisa”.
