Monseñor Mario Moronta, obispo di San Cristobal, a confirma cu varios dirigente di e regimen di Nicolas Maduro a pidi conseho cerca obisponan, encuanto un posible derecho di asilo, en vista di e posibilidad di salida di poder di Maduro.
“Nan a acudi, nos no por bisa ken nan ta, pa motibo logico, pero nan a bay consulta varios obispo tocante, si den caso cu surgi un situacion contrario pa nan, nan ta mantene e derecho di asilo,” Monseñor Moronta a declara den un video, comparti den rednan social.
“Naturalmente, Iglesia ta keda habri pa proteha tur esnan cu ser ataca, esnan cu ta rekeri atencion. Pero Iglesia no ta bay ta (…) sconde pa sconde, sino ta proteha pa no comete acto (…),” el a enfatisa.
