Venezuela: Diosdado Cabello ta sigura cu chavismo tin ‘prueba’ di atake contra centralnan electrico ‘impulsa’ for di Colombia

(LaPatilla) – E number dos di e chavismo na Venezuela, miembro di Asamblea Nacional, Diosdado Cabello a sigura cu nan tin prueba di supuesto atakenan contra centralnan electrico na e pais.

Cabello a bisa ayera, dialuna 6 di mei, cu ta bay laga haci un despliegue di seguridad den parti oriente di e pais, esaki debi na e rutanan di narcotrafico, cu segun su persona, ta di mafianan proveniente di e pais bisiña di Venezuela, Colombia.

Di mesun forma, e chavista, kende tambe ta un capitan den ehercito Venezolano, a indica: “Nos a haya acceso na informacion cu ta papia di posible atakenan contra centralnan electrico, contra plantanan di refinacion di petroleo.” Esaki el a cataloga como un medida desespera di banda di e pais bisiña Colombia.

Ademas, Cabello a bisa: “Cualkier cos cu ta straño compara cu e comportamento rutinario na un zona, mester wordo notifica di forma inmediato. Na Colombia tin hopi desesperacion, sin ningun preocupacion nan ta haci atentado of ta ataca ken cu ta pa logra nan obhetivo.”