E empresa di post Aleman DHL, un di e empresanan mas grandi na mundo den e ramo aki, a anuncia suspension di cualkier envio di carga aereo o maritimo pa Venezuela, medida cu lo aplica desde ayera 24 di mei y te proximo aviso.
A traves de un comunicado oficial, e empresa a duna di conoce cu pa “causa di forsa mayor” a tuma e decision, y a informa di ta analisando alternativa pa minimalisa e impacto den actividad di nan clientenan.
DHL ta e prome empresa di e categoria aki cu ta anuncia suspension di tur nan servicionan tanto aereo como maritimo. Anteriormente nan competidonan Mericano ya a suspende nan actividad via aereo, despues cu dia 15 di mei Departamento di Transporte di Estadonan Uni a emiti un orden di suspension di trafico aereo pa y di Venezuela.
Di acuerdo cu e specialistanan, ta spera cu a corto plaso otro servicionan di post tambe suspende nan envio cu barco pa e pais.
E empresa a informa den e comunicado cu lo duna di conoce ora kita e medida pa reestablece relacion cu nan clientenan.
E anuncio di DHL ta directamente relaciona cu e serie di sancion cu Merca a bin ta impone riba regimen di Nicolas Maduro, cu e meta pa forsa su salida di poder.
