(LaPatilla) – E abogado defensor di derechonan humano, Ana Leonor Acosta a denuncia e aumento di tortura contra e muhenan deteni pa e dictadura di Nicolas Maduro pa motibonan politico.
“Desde e coalicion di e DDHH y e Democracia nos ta denunciando cu e violencia di genero ta un forma di tortura. E muhenan na Venezuela no ta scapa di e inhusticia di e regimen di Nicolas Maduro y ta esnan posiblemente mas afecta den nan integridad personal, ya cu nan maltrata pa e torturadornan y e maltrato aki tin un impacto psicologico mas grandi den muhenan cu den e hombernan”, Acosta a splica.
E hurista a señala cu e abusonan cometi contra di e muhenan, di parti di e sicarionan di e dictadura, ta constitui u mecanismo pa reduci nan dignidad humano.
Ademas, el a señala cu e funcionarionan cu ta ehecuta e abusonan aki ta violando e ley organico ariba e derechonan di e muhenan na un bida liber di violencia, cual ta considera delitonan door di violencia psicologico, violencia fisico y violencia sexual.
Pa finalisa, Acosta a enfatisa cu desde e coalicion di e DDHH y e Democracia lo sigui halsa nan voz pa e libertad di e presonan politico.
