(LaPatilla) – Aunke e yegada di mas vacuna na e pais ta un noticia publico y di interes nacional, e dictadura di Nicolas Maduro a limita nan mes, un biaha mas, na duna detaye riba e tema. Ningun vocero a manifesta nan mes pa splica con e dosisnan manda pa Rusia y OPS door mediante e plan di vacunacion, lo wordo inclui, locual ta laga dudanan cu ta abruma e poblacion manera, cuanto e alcance lo ta? Of pa ken nan ta dirigi?
Segun señala pa Tal Cual, recientemente varios lotenan Ruso Sputnik V a yega Venezuela (di cual no ta conoci e cantidad di dosis) y di e CoronaVac (desaroya pa e empresa Chino Sinovac) manda a traves di e Sistema Covax, di cual a ricibi 603 mil dosis. Cu e cifranan aki ta suma un cifra di 6.301.134 dosis cu a yega e pais for di 13 di februari.
E reporte di #VacunometroVen cu e informacion oficial obteni den e siman di 1 di september pa 7 di september, ta refleha cu te cu e fecha di awe a aplica 10.58% mas di e dosisnan (5.930.150) contra COVID-19 distribui na e 23 estadonan mas e Districto Capital (5.362.354). Esaki ta significa cu autoridadnan tanto nacional como regional ta sigui sin reporta claramente riba e cantidad di vacuna cu nan a ricibi.
Registronan ta mustra cu na Venezuela a aplica 5.930.150 vacuna anticovid, cu lo por traduci cu 26.95% di e 22 miyon di persona (cantidad di persona cu ta rekeri pa alcansa e vacunacion di grupo) a haya nan vacuna.
Esaki tambe ta refleha cu a aplica 94% di e 6.301.134 dosis cu a yega e pais, teniendo na cuenta e dosis di e medicamento Ruso Sputnik V y e vacuna Chino Sinopharm.
