(LaPatilla) – E ta un crisis cu no ta laga posibilidad pa avanza. E sector di repuesto di auto ta leu di por recupera, pasobra ta dificil pa haya pieza y tire cu no tin un prijs asina exagera cu ta inalcanzable pa e ciudadano promedio.
A traves di un comunicado empresa Andino Pneus, a informa cu loke ta e aña aki na Venezuela, si ta hopi nan a logra produci 3.178 tire, a pesar cu e maquinaria tin un capacidad instala di 100.000 tire mensual. Esaki ta un indicacion unda e industria di pieza ta actualmente, cu tabata bastante desaroya na e pais, te na e momento aki. Ademas, e empresa a duna di conoce cu e tin mas di un luna caba cu e produccion para completamente y sin indicacion ki tempo nan por bolbe opera.
Segun secretario general di e sindicato di trahador di e compania Andino Pneus, Luis Alberto Alvarez, produccion nacional di tire na suelo, cu un total di 0,7% di loke e tabata. Esaki ta un situacion dificil pa trata. Ya cu e sueldo minimo di 4 dollar pa luna, cu cual ta casi imposible sobrevivi, laga henter un lote di empleado sin sueldo pa e incapacidad di produci ta algo devastador den tur sentido.
E crisis a haci durante e ultimo añanan cu e Venezolano mester cumpra tire barata di cualkier forma posible. Esaki tin como consecuencia cu hende ta bay bende tire usa, o cu tiendanan ta rebende tire na doble o triple di nan prijs original.
E mercado di pieza di auto no tabata por a recupera desde varios aña. Cerca e sucursal di Pirelli tambe produccion a cay cu 98,7% loke ta duna un cantidad di 15.000 tire den henter 2020, mientras normalmente produccion lo tabata 200.000 pa aña.
