(LaPatilla) – E Sala di Apelacion di e Corte Penal Internacional (CPI) ta bay realisa un audiencia e dianan 7 y 8 di november pa trata e recurso di apelacion presenta pa e Republica Bolivariana di Venezuela contra e reanudacion di e investigacion di e “Situacion Venezuela I”.

Segun Francisco Gonzalez Centeno a splica, funcionario di Informacion Publico y Sensibilisacion di CPI “den terminonan general, nan ta debatiendo e cuestion di e admisibilidad di e situacion dilanti e CPI bao articulo 18 di e Statuut di Roma, cu ta rekeri pa un Estado demostra un proceso avansa di investigacion- y procesamentonan nacional cu ta refleha adecuadamente e alcance di e investigacion premira pa e fiscal di e Corte.”

E funcionario a detaya cu den e audiencianan di e dianan 7 y 8 di november e representantenan di Venezuela, e fiscal y e oficina publico di defensa di e victimanan ta bay presenta nan argumentonan ariba varios aspecto legal, incluyendo:

Alegacionnan ariba e supuesto eror di no identifica e casonan cu ta wordo investiga y e actonan criminal specifico cu e Fiscal ta pretende di investiga.

Alegacionnan ariba e supuesto eror di no exigi e Fiscal pa proporciona traduccion di e documentonan y di nenga di basa su mes riba documentonan na Spaño.

Alegacionnan ariba e supuesto eror di nenga di basa su mes ariba documentonan determina.

Alegacionnan ariba e supuesto eror di exigi na e Estado pa investiga e elementonan contextual di e crimennan di lesa humanidad.

Alegacionnan ariba e supuesto eror di rekeri e Estado pa investiga “crimennan internacional”

Ademas di ricibi presentacionnan por escrito, e Sala a convoca un audiencia pa aborda completamente e asuntonan novedoso y compleho cu ta surgi den e apelacion aki.

E ONG Defiende Venezuela a afirma cu esaki ta un momento historico den cual e Estado Venezolano lo mester hustifica su omision den brinda atencion na investigacionnan ariba violacionnan di derechonan humano y crimennan di lesa humanidad.

Ademas, lo comparti e comentarionan di e victimanan y nan representantenan, ken, a pesar di e obstaculonan, a logra documenta y denuncia e actonan terible cometi pa algun di e funcionarionan di e gobierno di Maduro, cualnan a afecta centenares di famianan Venezolano.

Na e audiencia aki tambe ta convoca e Cuerpo Diplomatico y representantenan di ONG.