(LaPatilla) – ONG Centro di Difusion di Conocemento Ecomico (Cedice) a afirma ayera cu e politica di control di prijs cual regimen di Nicolas Maduro a retoma riba mas di 40 producto di consumo masivo, ta un “intervencion artificial.”
Andrea Rondón, integrante di e comite academico di e ONG, segun un nota di prensa a bisa cu e medida aki ta genera preocupacion entre e actornan economico, pasobra “ta trata di un intervencion artificial den e mercado cu ta bay trece inevitablemente e distorcionnan ya conoci pa e Venezolanonan cune, manera escasez di e productonan regula.”
El a agrega cu “e resultado por ta ainda mas ‘Dantesco’ cu den añanan anterior.”
E chavismo a acorda, despues di dos aña pa retoma e politica di control di prijs riba mas di 40 producto di consumo masivo, segun Jesus Faria, presidente di Comision di Economia y Finanzas di e Asamblea Nacional, a informa diabierna, sin indica cua articulonan ta bay ta dentro di e control aki, ni ki dia e ta drenta na vigor.
El a sigura cu a discuti y acorda e medida cu productornan mirando un recien “alteracion den e dinamica di prijs”, algo cu a alerta e regimen, ya cu segun el a comenta, nan ta mantene “atento contra di speculacion.”
Siman pasa, Superintendencia pa Defensa di Derechonan Socioeconomico (Sundde) a publica, y algun minuut despues elimina, un lista di prijs maximo pa benta na publico – riba productonan manera aros, hariña, azeta y sucu – algo cu no a sucede desde april di 2020, tempo cu a fiha tarifa riba 27 alimento.
E revolucion bolivariano a cuminsa fiha prijs na 2015, un politica cu a endurece te cu 2018, tempo cu a cuminsa flexibilisa e control, sigui pa un trienio di liberalizacion economico memey di cual a resolve e escasez di alimento y remedi cu a afecta e poblacion durante cinco aña.
