(EFE) – Oriyanan di Lago di Maracaibo, esun di mas grandi na Venezuela, ta diki y berde. Si un hende ta tira un obheto lihe e no ta sink. Un acumulacion di petroleo debi na varios derame y e aumento di un bacteria solido na e zona a crea un dom cu ta hole malo y ta afecta e salud y economia di e habitantenan rond di e luga.
Segun e habitantenan aki y ambientalistanan, e situacion ta di emergencia, algo cu Gobierno a descarta, aunke a admiti si cu ta existi un problema debi na aumento di e bacteria yama “verdin”, sin menciona e deramenan di crudo, pero a sigura esey no ta afecta “e condicionnan excelente” di e luga. Esnan cu ta biba den e costa ta sigura lo contrario.
Jose Luzardo di 48 aña a pasa su ultimo 35 aña dedica na procesamento di piscanan na oriya di e lago. El a bisa cu tin varios aña luchando cu e contaminacion di e awanan. Nunca nan a yega di mira e bacteria diki berde ey ni e mal holo cu actualmente ta existi, loke a ocasiona practicamente “un perdida total” di su negoshi.
Tambe a sigura cu piscadonan a yega di perde nan net di pesca debi na e petroleo y na e bacteria, cu pa recupera e materialnan di trabou aki ta costa entre 2.000 pa 3.000 dollar, un cifra inalcansabel pa e mayoria di e poblacion na Venezuela cu, segun calculonan academico, tin un entrada mensual bao di 100 dollar.
Habitantenan ta insisti cu e situacion di e lago ta causando malesanan como sacamento, diarea, dolor di cabes y alergianan den cuero, ora e biento ta bay ariba bisiñanan cu ta biba den oriya ta prefera di sali di nan cas y bay otro caminda debi na e mal holo cu ta bira mas intenso pa dia.
Despues di varios denuncia riba e efectonan dañino aki, Ministerio di Ecosocialismo (Ambiente) a anuncia un plan di accion pa “sanea di manera inmediato y efectivo e oriyanan” aunke no a bisa ki dia e labornan aki ta bay cuminsa.
