(ElNacional/Efe) – Alrededor di 300 persona a manifesta diasabra den oranan di atardi ariba e cayanan principal di Caracas, capital di Venezuela, pa protesta contra homofobia y discriminacion.
E grupo conforma di casi den su mayoria pa hobennan, a cana mas o menos tres kilometer cu banderanan di e comunidad y mensahenan cu tabata pidi respet y politicanan publico cu ta garantisa nan derechonan, e activista y defensor di derrechonan humano, Yendri Velasquez, a splica Efe.
“Ademas di manda e menesahe aki contra di homophobia, contra di discriminacion, e tabata un espacio tambe pa ecnontra cu otro, pa celebra den diversidad, pa celebra ken nos ta, ken nos stima a pesar di e violencia, a pesar di e discriminacion”, el a agrega.
Na e manifestacion, organisacionnan di e sociedad civil Venezolano a participa, manera Union Afirmativa, Uquira, Amnistia Internacional, Pais Narrado, Pais Plural of Movimiento Somos, entre otro.
Velasquez a recorda cu un di e peticionnan di e grupo ta pa inlcui den e agenda di discusion di politica nacional e derechonan di e comunidad gay, lesbiano, bisexual, transexual y no binario, entre otro miembronan di e grupo aki.
Di su banda, Wanda Lopez, un di e participantenan di e caminata a recorda e importancia di dignifica e causa y defende e derechonan di e colectivo.
“Tabatin hopi diversidad y hopi aliadonan y mi ta kere esey ta hopi importante pa dignifica e causa di e comunidad LGBTIQ+ y sobre todo, tabata importante pasobra e trayecto aki tabata lidera pa organisacionnan importante cu tin no solamente na Caracas, si no na otro estadonan tambe.
Dia 17 di mei ultimo a conmemora Dia Contra Homofobia, Transfobia y Bifobia, y e Venezolano a realisa diferente actividadnan pa reclama e derechonan di e comunidad LGBTIQ+ y exigi pa nan ta parti di e ley.
