(LaPatilla) – E comienso di aña escolar nobo 2022-2023 ta depende di un hilo. Pa e periodo aki, e sector educacion ta declara estado di emergencia pa motibo di e violacionnan contra e gremio, ademas di e incumplimento di e beneficionan social y economico, y si tabata poco, pa e deterioro grave cu e infrastructura escolar ta presenta.
Jesus Echeverria, miembro di e Sindicato Unico de Trabajadores de la Educacion (Sutelara), a splica cu na nivel nacional a adverti e autoridadnan cu e violacionnan no solamente ta pone den riesgo e paz laboral, si no cu ta afecta e comienso di e aña escolar nobo.
Segun Luis Arroyo, presidente di e Colegio de Profesores na Lara, for di luna di augustus e gremio ta declara su mes riba caya. “Nos lo haci protesta, concentracionnan y nos lo sigui lucha pa e beneficionan cu nan a kita for di nos”, el a bisa.
E profesor a splica cu otro factor cu ta agrega ta e calidad malo di e ambiente den e institucionnan educativo, el a indica cu si ta necesario nan lo declara nan mes den asamblea permanente y no lo regresa na e klasnan como medida di presion, pa haya respet pa nan beneficionan salarial y social.
“Unico cos cu nos kier ta pa nos ta den e klasnan, cu e muchanan por ricibi un educacion di calidad”, Arroyo a expresa, sigurando cu pa e rason aki e sector educativo ta declara estado di emergencia, pues nan no lo sigui permiti cu nan ta trapa riba nan.
Na e punto aki ta agrega su mes Laura Igarra, presidente di e Colegio de Licenciados en Educacion, ken a splica cu e gremio no mester tin miedo di pone presion. “Nos tin e derecho di no cuminsa e lesnan den luna di september te ora cu e Estado Venezolano honra e compromiso adkiri den e convecionnan colectivo”, el a bisa.
