(LaPatilla) – Activa, mobilisa y organisa e parti oriente di e pais a keda despues di e presentacion di Salvemos Venezuela cu e presidente encarga, Juan Guaido, a haci personalmente e fin di siman aki durante un tour intenso cu el a cuminsa diabierna 11 di maart na estado Anzoategui.
Cu un encuentro di lidernan regional y municipal di e estadonan Anzoategui, Sucre y Nueva Esparta a start e agenda unda e obhetivo tabata e diseño di strategianan pa unifica e lucha alrededor di e exigencia di eleccionnan liber cu ta posibel solamente cu garantia- y condicionnan.
“Salvemos Venezuela. Mi ta yama boso awe na e accion pa exigi y logra eleccionnan liber mas pronto posibel. Salvemos Venezuela ta un plan di accion pa logra e eleccionnan liber y husto, pero pa logra tambe e reclamacion laboral den cada sector, pa logra salarionan digno. No tin ningun aspiracion cu ta ariba Venezuela”, Guaido a bisa den e reunion.
E presidente encarga tabata compaña, den su tour den oriente cu a termina diadomingo, pa lidernan Delsa Solorzano, Biagio Pilieri y Roberto Enrique.
Entre e actividadnan desaroya tabatin tambe un encuentro cu e sociedad civil y representantenan di e Frente Amplio di e region oriental, na e estado Anzoategui unda Guaido a reitera su yamada pa unifica e lucha.
E mandatario di e gobierno interino a recore diferente zona popular y mercadonan unda el a combersa cu e ciudadanonan na ken el a pidi pa no give up den e lucha pasobra e poder democratico ta firme ainda y avansando cada biaha mas pa logra e cambio.
Finalmente Guaido a bisa cu e y e lidernan di diferente organisacionnan politico cu ta conforma e iniciativa Salvemos Venezuela, lo sigui recore e pais pa replica e mensahe di lucha y union.
