(ElNacional) – Chavismo a laga conoce su mayoria den e Asamblea Nacional elegi na 2020 y a ratifica manera su presidente Jorge Rodriguez, ken a pone como condicion pa e chavismo bolbe negocia cu e oposicion e liberacion di e empresario Alex Saab, acusa na Merca di labamento di placa.
Nan kier dialogo? Libera Saab inmediatamente pa e por incorpora su mes na e mesa di dialogo cu e oposicion Venezolano. Stop di horta placa cu no ta di boso y debolbe na e pueblo di Venezuela e placa cu boso a horta”, Rodriguez a declara den su prome discurso despues di wordo reelegi pa segundo aña consecutivo.
Asina, e parlamentario, hefe tambe di e delegacion di Nicolas Maduro, a trese back e extradicion di e empresario Colombiano, ken e gobierno Venezolano a inlcui como mimebro poco prome cu el a wordo traslada pa Merca for di Cabo Verde.
For di e tribuna di oradornan di Parlamento, Rodriguez a exigi e oposicion pa nan reconoce cu nan a comete un eror grave y crimennan contra e Republica, E combersacionnan ta suspendi desde dia 16 di october di aña pasa.
No bay den un dialogo pa despues bo sabotea internamente e mesun dialogo ey, pa atake internamente manera e Prome Minister Noruego, e Departmaneto di Husticia di Merca a haci, cu a comete e barbaridad di secuestra un representante diplomatico di Venezuela, cu ademas ta miembro pleno di e mesa di dialogo na Mexico”, Rodriguez a afirma.
Rodriguez a recorda cu e AN a conforma un comision na januari 2021 coordina pa e dipitado Jose Brito, ken supuestamente a ricibi chantahe di e chavismo pa investiga e actuacionnan di e gestion parlamentario anterior.
El a ordena tambe e comision pa reactiva y incorpora den un lapso di shete dia e accionnan di grupo lidera pa Juan Guaido despues cu el a reafirma e opositor como presidente interino di e pais.
