(Infobae) – Prome vice-presidente di Partido Socialista Unido di Vezuela (PSUV) y number dos di chavismo, Diosdado Cabello, a pidi na su militancia oficialista pa prepara pa un yamada pa eleccion, segun un nota di prensa publica diamars ultimo pa e partido.
“Nos ta bay prepara tur e makinaria cu nos tin pa sigura e victoria electoral ora CNE (Consejo Nacional Electoral) bisa. Oposicion no ta wanta e mirada di nos pueblo, ni di hende muhe, ni di hobennan pasobra nan ta esnan cu ta pasando mas trabao pa via di derecha,” e dirigente a bisa.
Tambe e diputado a critica cu oposicion lo busca voto “pa despues pidi sancion y blokeo,” pa loke a expresa cu antichavismo “no tin nada, ni moral pa papia na pueblo.”
“Nos tin un proyecto, awor nos mester ta concentra pa mobilisa nos pasobra esey ta demostra e capacidad di mobilisacion di e revolucion,” Cabello a afirma. El a participa den un marcha pa duna apoyo na Nicolas Maduro na estado di Nueva Esparta, di acuerdo cu PSUV.
Maduro, ken ta na poder for di 2013, ainda no a confirma si ta bay busca su di dos reeleccion consecutivo pa seis aña mas, mientras cu oposicion ta bay defini un candidatura di coalicion dia 22 di october, a traves di eleccion primario den cual 13 politico ta bay participa, entre nan dos biaha candidato presidencial Henrique Capriles y ex-diputado, Maria Corina Machado.
E actonan politico di e chavismo ta celebra na mesun tempo cu esunnan di e candidato primario opositor cu ta recore e pais den buskeda di votonan cu lo permiti haya e candidatura di coalicion, e fecha di eleccion presidencial no a ser anuncia te ainda.
Ken awor ta fungi como presidente di CNE, Elvis Amoroso, ta un funcionario chavista sanciona pa Merca y como antecedentenan tin un lista di inhabilitacion contra varios lider opositor, el a ser nombra diabierna di siman pasa presidente di CNE cu ta bay organisa eleccion presidencial na Venezuela e proximo aña.
