(LaPatilla) – Secretario di Prensa di Cas Blanco, Jen Psaki ayera dialuna 7 di maart a duna comentario tocante e reunion priva na Caracas, realisa entre voceronan di administracion di presidente Mericano, Joe Biden, y di e regimen chavista di Nicolas Maduro.
“E proposito di e biahe di algun di nos funcionarionan tabata pa discuti un serie amplio di tema, incluyendo algun vincula na seguridad energetico, pero tambe pa discuti y revisa e status di algun ciudadano Mericano deteni na e pais ey. Nos no ta bay perde ningun oportunidad pa revisa esey”, Psaki a comenta na medionan di comunicacion.
Di igual manera, Psaki a aclaria cu e combersacionnan cu e representantenan di chavismo tocante e suministro energetico ‘no tin nada que ver’ cu esnan cu nan ta sosteniendo pa e liberacion di ciudadanonan Mericano cu ta den prison, manera ta e caso di e seis ex-ehecutivo di e filial petrolero Citgo, kendenan ta deteni arbitrariamente na El Helicoide.
“Nan tur ta parti di e combersacionnan cu Venezuela, pero no na mes momento”, e Secretario di Prensa di Cas Blanco a destaca.
