(ElNacional) – E cantidad di morto pa e accident tragico cu a sucede ariba e autopista Gran Mariscal de Ayacucho a aumenta na 30 cu e fayecimento den e ultimo dianan di tres persona cu tabata den estado critico di salud.
E informacion, publica pa Crimennan sin Castigo specialisa den e fuente di sucesonan, a señala cu na e victimanan mortal ta agrega Luis Alfredo Natera Brito, un ayudante di truck di carga di 27 aña di edad. E hoben, cu tabata biba na e bario La Bombilla, a fayece na e Hospital Domingo Luciani di El Llanito.
Tambe Victor Suarez, ken tabata biaha den su vehiculo particular hunto cu otro amigonan, su familiarnan no a acerca ainda na e Servicio Nacional di Medicina y Ciencia Forense.
E chauffeur di truck di carga pisa Edgar Leandro Gauna Piñeros di 37 aña, ken tabata den e lista di personanan desaparecido y tabata na caminda pa Guaneras e dia di e accident. E familiarnan a logra identifica e curpa a traves di un test di ADN.
Ariba e website a indica cu fuentenan di Senamecf a informa cu te cu dia 15 di december nan a entrega 18 curpa.
Despues di e accident, e gobierno di Nicolas Maduro a establece restriccionnan pa e transito di trucknan ariba e camindanan di e pais.
“Tur vehiculo di carga tin un limite di velocidad di 45 kilometer pa ora, cu mesterr wordo cumpli estrictamente y specialmente durante e dianan di fiesta; igualmente, e uso estricto di e canal banda rechts,” Remigio Ceballos, Minister di Interior, Husticia y Paz, a manifesta durante e despliegue di e operativo ‘Navidades Seguras 2023.’
Di mesun manera el a indica cu nan a specifica orarionan pa trucknan core. “Di dialuna pa diabierna, nan no por transita for di 6or di mainta te cu 9or di mainta; y atardi tampoco nan no por transita for di 5or di atardi te cu 7or di anochi. Igualmente, tur e vehiculonan di transporte di materia peligroso tin cu pasa door di un procedemento ahusta na e ley y tur lo mester wordo verifica pa confirma cu nan ta cumpli cu e leynan,” el a comunica.
