(ElNacional) – E Bloque Constitucional de Venezuela ta adverti na e partidonan politico y diputadonan cu e eliminacion di e gobierno interino di Juan Guaido lo trece consecuencianan institucional, politico, economico y social grave pa Venezuela.
A traves di un comunicado e integrantenan di e bloque aki a indica cu si elimina e presidencia interino, lo elimina di mesun forma e representacionnan designa ante organismonan multilateral, gobiernonan aliado, transnacional y instancianan hudicial.
Den e sentido aki, el a considera, cu lo debilita e fundamentacion ariba cual ta sostene e transicion democratico cu a cuminsa na 2019 y lo provoca e desconexión di e Comision de Administracion y Proteccion de Activos.
E huristanan a ratifica cu e desaparicion di e presidencia interino ta pone den riesgo e proteccion di e activonan y interesnan patrimonial di e nacion, den bista di cu lo perde e reconocimiento internacional.
E Bloque Consitucional de Venezuela ta insta oposicion pa cuminsa cu un proceso di dialogo urgente. Esaki cu e meta di soluciona tur e diferencianan cu ta separa nan den e union dificil aki, manteniendo e interes di e ciudadanonan den mente.
Ademas, e ta pidi pa expone e situacion na gobiernonan aliado, instancianan multilateral organonan di hurisdiccion den cual ta gestiona e interesnan di Venezuela, incluyendo, di manera special, e Tribunal Supremo de Justicia den exilio.
