Desde diabierna pasa e suministro di coriente, apenas reestableci despues di e backout di 7 di maart, ta asina instabil cu durante diasabra y diadomingo tabata fayando den sigur 20 di e 23 estadonan. Ayera den oranan di mainta coriente a bay atrobe pa gran parti di dia. Riba rednan social tabatin hopi reaccion di ciudadano criticando e situacion.
Las entidades federales afectados por la falla eléctrica son Amazonas, Anzoátegui, Apure, Aragua, Barinas, Carabobo, Cojedes, Distrito Capital, Falcón, Guárico, Lara, Miranda, Mérida, Monagas, Portuguesa, Sucre, Táchira, Vargas, Yaracuy, Zulia.
Segun oposicion lidera pa presidente interino Juan Guadio, e ineptitud di e regimen Chavista pa atende e emergencia electrico ta sigui bira mas grave y ta parce cu no ta haci e minimo esfuerso pa resolve di un manera eficiente e consecuencianan pa e poblacion den mayoria di e teritorio nacional.
Un di e problemanan mas grandi ta e falta di suministro di awa potabel, cu tin un siman di ta afectando gran parti di Caracas.
E falta di electricidad ta impedi e pompnan di traha. E autoridadnan responsabel sin embargo no a duna un respuesta oportuno na e situacion aki. E ciudadanonan ta recuriendo na e poco posibilidadnan di haya awa natural pa por cubri nan necesidadnan basico.
Ministro encarga cu asunto di suministro di awa, Evelyn Vasquez, a priminti cu e suministro di awa lo reanuda tan pronto cu e servicio di electricidad keda reestableci.
