(LaPatilla/EFE) –Presidente Mericano Joe Biden a bisa diahuebs pasa cu Venezuela tin cu haci hopi mas pa por relaha e sancionnan cu su pais a impone despues di eleccion presidencial fraudulento na 2018. Esaki a pesar di e informacion cu ta indica un posible flexibilizacion di e medidanan.
Denun charla cu periodistanan, e mandatario a califica e decision di OPEC+ di reduci produccion di petroleo como un “decepcion” y a sigura cu su gobierno ta mirando e alternativanan cu tin, pa e recorte mas grandi den petroleo desde mei di 2020, di dos miyon bari pa dia (bpd).
A haci Biden e pregunta kico Venezuela tin cu haci pa por flexibiliza e sancionnan y e respuesta tabata corto: “Hopi”. “Tin hopi alternativa, ainda nos no a dicidi,” e presidente a declara riba e pregunta si Venezuela ta un di e opcionnan cu ta explorando pa obtene petroleo. Ambos pais no tin relacion diplomatico mas, despues cu Nicolas Maduro a kibra esakinan, ademas cu Merca no ta reconoce Maduro como presidente legitimo.
Den declaracion na prensa biahando pa New York, portavoz di Cas Blanco, Karine Jean-Pierre, a comenta -sin referi na Venezuela- cu a identificaalgun di e alternativanan y cu ta trahando riba nan. “E enfoque di presidente, nos enfoque y nos strategia desde cu Putin a cuminza acumula tropa y despues a invadi Ucrania, tabata di trata di mantene un suministro suficiente di energia, petroleo y gas natural na nivel mundial pa por mantene prijsnan na un nivel stabil y mas abao.” Jean-Pierre a declara.
Compra di crudo Venezolano lo ta un opcion parcial pa Merca, ya cu produccion ta limita no solamente pa via di sancion, sino di falta di inversion y mantenimento di instalacion na Venezuela mes.
