CAR06. CARACAS (VENEZUELA), 17/08/2018.- Vista externa de la sede principal del "Banco Central de Venezuela" hoy, viernes 17 de agosto del 2018, en Caracas (Venezuela). La reconversión monetaria que entrará en vigencia el lunes en Venezuela, y con la que se le quitarán cinco ceros a la moneda nacional, ha disparado el temor de los ciudadanos y la alerta de economistas y opositores ante posibles consecuencias de esta medida que tomará vigor en un escenario de hiperinflación. EFE/MIGUEL GUTIÉRREZ

(LaPatilla) – E Banco Central di Venezuela (BCV), bou orden di Nicolas Maduro, a reuni diahuebs cu diferente entidad vincula cu e chavismo pa annalisa diferente variabelnan estadistico, operativo y tecnológico pa e reconversion monetario cu lo elimina seis cero di e bolivar, cu lo pasa na yama “digital” y lo drenta na vigor dia un di october.

Den e reunion a participa, e delegadonan di e Servico Nacional Integra di Administracion Aduanero y Tributario (Seniat), e Supervisión di Institucionnan di e Sector Bancario (Sudeban), e Fondo di Desaroyo Nacional (Fonden) y e Banco di Desaroyo Economico y Social di Venezuela (Bandes), e voceron di e Palacio di Miraflores a detaya den un comunicado.

Tambe e Supervision Nacional pa e Defensa di e Derechonan Socioeconomico (Sundde), e Servicio Autonomo Nacional di Normalización, Calidad, Metrologia y Reglamento Tecnico (Sencamer), e Oficina Nacional di Presupuesto (Onapre), e Oficina Nacional di Contabilidad Publico (Oncop) y e Oficina Nacional di Tesoro (ONT), entre otro.

Posteriormente, e BCV chavista “lo sigui realisa e reunionnan tecnico aki pa trata e adaptacionnan, e aspectonan di completacion y orientacion tecnologico”, e informacion a agrega.

Despues di e reconversion nobo, tur importacion monetario expresa den bolivar soberano lo wordo dividi den un miyon pa wordo denomina den bolivar digital.

A pesar di e nomber nobo, lo conta cu moneda di 1 bolivar y papel di 5, 10, 20, 50 y 100 bolivar den formato fisico, tur di nan cu e cara di Simon Bolivar dilanti y un referencia na e bataya di Carabobo, clave den e independencia, atras.

Actualmente, 4.117.054,64 bolivar soberano ta wordo cambia pa un dollar, segun e ultimo rapport di BCVm mientras cu e papel di denominacon mas halto ta esun di un miyon.

Debi na e devaluacion di e bolivar soberano actual, e papelnan di bolivar a practicamente disparce den su totalidad, ya cu esun di denominacion mas grandi, esun di un miyon di bolivar ta bal cerca di 25 cent di dollar y cu esey apenas bo por cumpra dos pasashi di bus urbano na Caracas.