(LaPatilla) – Diahuebs 30 di december e siguidornan di PSUV a reuni na sede di Parlamento Venezolano pa discuti aprobacion di e reforma di Ley Organico di Tribunal Supremo de Justicia (TSJ), proponi pa Maikel Moreno.
E propuesta ta apunta na e disminucion di e cantidad di Magistradonan di TSJ cu meta pa fortalece su eficiencia, eficacia y efectividad den administracion di Husticia, segun su intervencion a informa, e number dos di chavismo, Diosdado Cabello.
Den segundo luga, Cabello a detaya cu e propuesta ta inclui designacion di e Magistradonan nobo y nan respectivo suplentenan pa Asamblea Nacional, suprimiendo e regulacionnan vigente cu ta permiti cu despues di varios intento por designa e Magistradonan pa medio di mayoria simpel.
E acusado di Merca pa delitonan di narcotrafico a expone tambe cu e propuesta aki ta busca pa fortalece e autonomia y procedemento di designacion di Comite de Postulaciones Judiciales, aumentando di 5 pa 10 e number di personanan postula pa e sectornan di sociedad civil, den bista di e criticanan paralelo ariba composicion di e Comite, cual mester ta conforma exclusivamente di “sectornan di e sociedad civil”.
Den e sentido ey, ta pretende aumenta e representacion proporcional di e sectornan aki pa duna respuesta na e observacion aki.
Cu e aprobacion di e reforma aki di Ley, lo inicia e procedimentonan pa e conformacion di un Comite de Postulaciones y despues, e escogencia di e Magistradonan principal y suplentenan di e salanan Administrativo, Electoral, Apelacion Civil, Apelacion Social y Apelacion Penal y di e Sala Constitucional.
