E comite di acreedor di debe externo di Venezuela a laga sa diaranson pasa cu ningun di su miembronan tabatin discusion o negociacion cu regimen di Nicolas Maduro o su delegadonan, desmintiendo un noticia cu a sali den prensa e siman aki.
“Ni e comite ni su miembronan tabata involucra den discusion cu e regimen di Maduro,“ e comite, cu ta agrupa varios di e fondonan cu tin bono Venezolano,
E grupo di acreedor a señala cu “ademas, cu nos sa, no ta existi propuesta. E comite a cumpli y lo sigui cumpli cu tur sancion di Estadonan Uni.”
E medidas imponi pa Washington contra regimen de Maduro ta impedi inversionista Mericano di tin contacto cu autoridadnan Venezolano.
E respuesta di e comite a surgi un dia despues cu Bloomberg a reporta cu financista Mericano a tene reunion na Caracas cu funcionario, incluyendo Maduro.
Elliott Abrams, representante special di Estadonan Uni pa Venezuela, a bisa diamars pasa cu e propuesta describi pa Bloomberg lo a pone esnan involucra den conflicto cu maneho di sancion di gobierno Mericano.
Na september pasa Maduro a pidi su funcionarionan tuma contacto cu e tenedonan di bono pa renegocia e debe, despues di un intento fracasa dos aña pasa.
Desde october 2017 Venezuela ta acumulando pago pendiente di interes y capital cu e acreedornan aki pa un suma total di US$ 11.000 miyon.
