(ElNacional) – Academia Nacional di Medicina a ratifica su propuesta pa declara un alarma sanitario na e pais door di aparicion di casonan nobo di Monkeypox. Segun Minister di Ciencia y Tecnologia, Gabriela Jimenez a detecta dos caso mas di Monkeypox, uno procedente di Brasil y otro di Peru
“E sistema di vigilancia epidemiológico nacional ta activo. Instituto Nacional di Higiena Rafael Rangel y Ministerio di Poder Popular pa Salud, den coordinacion, ta realisa siguimento di e casonan”, Jumenez a afirma.
Pa e Academia Nacional di Medicina, declara e alarma sanitario lo permiti mobilisa recursonan y pa sociedad civil y gobierno colabora entre nan pa asina cuminsa cu accion.
Otro di e propuestanan di e institucion ta: sigura transparencia den e maneho di informacion, reforsa e capacidad pa diagnostico di laboratorio y monitoreo genetico di e virus, desaroya programanan di vigilancia epidemiologico activo y cuminsa e diligencianan pa garantisa acceso futuro na medicamento antiviral y vacuna.
“E recomendacionnan aki ta keda vigente y ya a cuminsa mobilisa e organismonan no gubernamental, elementonan clave den e esfuerso pa controla e brote, door di cual, ademas di cualkier strategia di vigilancia di frontera, mester haci un gran esfuerso pa identifica e casonan di transmision local”, e Academia a indica.
Minister Jimenez, despues di a duna di conoce e casonan reciente, a señala cu e pashentnan ta ricibiendo atencion medico y ta den bon condicion.
El a agrega cu nan ta evaluando e contactonan cercano di e contagiadonan. “E gobierno Bolivariano ta haci un yamada na e poblacion pa cumpli cu e medidanan di prevencion y bioseguridad”, e funcionario a manifesta.
