(LaPatilla) – E Superintendencia Nacional Antidroga (Sunad) di Venezuela a desplega 140 funcionario na henter e pais pa preveni e consumo di substancianan ilicito, como parti di un operativo cu a wordo crea cu proposto di e vakantienan di carnaval.
El a señala cu diadomingo den un Puesto de Atencion al Ciudadano (PAC) na e estado La Guaira, unda Sunad a realisa, hunto cu organismonan di seguridad ciudadano, un jornada preventivo y di orientacion pa garantiza carnavalnan sigur.
“For di Sunad nos ta abordando di manera integral nos pueblo na henter e teriotrio nacional, di manera simultaneo, cu actividadnan integral y pruebanan di deteccion cu ta nos principal liña di accion pa garantisa e pas y seguridad,” Richard Lopez Vargas a agrega.
Den e marco di operacion ‘Carnavales Seguros y Felices 2023’ nan a desplega den total 139 mil funcionario di diferente cuerponan di seguridad pa proteha e ciudadanonan cu ta biaha cu motibo di carnaval, ora cu nan ta premira un movemento mas grandi interno di Venezolanonan.
Segun datonan di Sunad, e autoridadnan a confisca 2.441 kilo di droga for di comienso di e aña aki te cu dia 13 di februari, locual a wordo logra a traves di 1.267 procedimento cu a laga, por lo menos, 1.680 persona deteni.
