(LaPatilla) – E ex interventor di Multinacional de Seguros, Julio Cesar Villarreal Abreu, a ricibi 35 miyon di dollar, presuntamente cash, for di Tareck El Aissami na cuminsamento di 2023 ora cu El Aissami ainda tabata fungi como Minister di Petroleo, pa gestiona un seguro administra di salud destina pa e trahadonan di PDVSA. Villarreal, ken a wordo desgina pa El Aissami manera presidente di e Junta Interventora di e seguro na januari di 2020, mester a usa e recursonan pa garantisa e acceso na clinicanan di e pais pa empleadonan di e estatal.
Fuentenan di PDVSA ta sigura cu te cu e fecha di awe e seguro administra solamente no a wordo concreta, pero si no cu no sa unda e placa a bay. E maneho di cash pa e pago di gastonan ta un practica di tur dia di PDVSA y ta parti di e schedule usa den e ultimo añanan den e problema asocia na corupcion door di cual a destitui Tareck El Aissami na maart.
Despues di e renuncia di El Aissami, supuestamente scondi den su residencia na Fuerte Tiuna, Villarreal Abreu a bandona di sorpresa su cargo. Fuentenan vincula na e Junta Interventora di Multinacional ta señala cu 30 di e 35 miyon di dollar cash destina pa e seguro di salud di e trahadonan di PDVSA no ta aparece.
Ta presumi cu Villarreal Abreu, ken tin dobbel nacionalidad, Venezolano y Spaño, ta na Madrid y pa e motibo ey un grupo di trahado di PDVSA lo dirigi na autoridadnan Spaño pa concretisa e destino di e recursonan.
