Pa di dos biaha den poco tempo, un embarcacion chikito y sobrecarga a naufraga riba ruta di Venezuela pa Trinidad & Tobago. 29 migrante Venezolano a disparce den e tragedia aki.
E boto a sali diahuebs pasa di Guiria, estado Sucre, cu nuebe pasahero, pero e capitan a haci mas parada y a permiti mas pasahero a bordo, te cu tabatin 29 persona a bordo, pa haci e biahe clandestino pa Trinidad. E diputado opositor, Robert Alcala a informa agencia noticiero AFP di e incidente riba diadomingo. Autoridadnan Venezolano no a confirma e incidente.
Ta trata di e di dos naufragio denuncia pa e Alcala den e zona aki den menos di un luna. Dia 23 di april un boto cu 33 ocupante a sink; nuebe pasahero a keda rescata y un hoben di 16 aña a muri, mientras cu no sa nada mas di e demas ocupantenan, segun e parlamentario.
Hopi di e botonan di piscado, cu capacidad pa como 10 ocupante, ta carga hopi mas hende, segun Alcala, cu consecuencia fatal. Alcala a denuncia tambe cu no tabatin ningun actividad di buskeda aereo. “E piscadornan artesanal a inicia e buskeda,” el a afirma.
