(NLTimes) – Polis a aresta varios persona cu a presenta na un protesta ilegal na Museumplein y un cacho di polis a herida por lo menos un (1) persona.
E municipalidad di Amsterdam a cancela e protesta pa causa di miedo y preocupacion cu un brote violento lo tuma luga y a publica un orden di emergencia na Museumplein anteriormente den e dia. Polis specialisa den protesta a ser manda na e sitio aunke nan tabatin plan di welga durante e protesta aki. Unionnan di Polis a bisa cu proximo biaha cu e unidad aki di cuerpo policial welga, nan lo interveni solamente si orden publico ta den peliger severo.
“Cuerpo policial lo tuma accion contra di e personanan cu ignora e prohibicion. Tur hende mester bandona Museumplein,” e municipalidad a publica riba red social twitter.
Polis tambe a desplega cañon di awa na Museumplein, sinembargo esaki no a ser usa.
E arestonan a tuma luga na Van Baerlestraat den bisindario di Museumplein, AT5 a reporta. E mayoria di persona a ser aresta pa causa cu nan no a demostra un prueba di identificacion.
E manifestantenan a marcha den direccion di Weserpark alrededor di 2:15pm, unda cu un campanja di eleccion di FvD a ser organisa anteriormente. “Hendenan ta ser forsa di forma parti di un experimento medico. Libertad di expresion ta muriendo,” un vocero di e partido a bisa.
E municipalidaad Amsterdam a anuncia cu e protesta na Waterpark tabata permiti, sinembargo solamente cu un grupo di maximo 2,000 persona. E limite aki a ser excedi. Segun e organisadonan di e protesta, Samen Voor Nederland, 10,000 persona tabata na caminda pa Westerpark. Polis a evacua e parke mas o menos 3:30 di atardi. Samen Voor Nederland a haci yamada na e participantenan pa bini Museumplein y continua e manifestacion.
