Asociacion di Hotel y Turismo di Aruba (AHATA) a anuncia riba nan Facebook page cu varios di nan miembronan a dicidi cu nan ta cancela e tradicional pagara cu semper ta atrae hopi publico. Riba e post ta menciona como motibo cu ta considera importante pa traha riba proteccion di medio ambiente y di animal.
CEO di AHATA Tisa Lasorte a conta Bon Dia Aruba cu e asociacion a puntra su miembronan pa raporta si nan dicidi di descontinua tiramento di pagara. Tambe e ta menciona cu Bucuti & Tara Beach Resort y Divi Resorts tin varios aña caba cu nan no ta tira pagara; esey no ta cuadra cu nan maneho pro medio ambiente bon conoci.
E empresanan di cual ta conoci te awor cu nan no lo tira pagara ta:
Boardwalk Boutique Hotel; Bucuti & Tara Beach Resort; Del Rey Apartments; Divi Resorts (tur 5); Hyatt Regency Aruba; La Cabana Resort; Marriott Resort Aruba; Palm Beach Plaza Mall; Courtyard by Marriott Resort; Eagle Aruba Resort.
